Fylltir tómatar

Ég elska fyllta tómata og geri þá nánast aldrei eins, heldur nota það sem er í ísskápnum hverju sinni. Aðal málið er að kaupa nokkuð stinna tómata og afhýða þá fyrir bakstur. Þegar ég ætla að djúsa þá upp toppa ég þá gjarnan með fetaosti. Uppskriftin hér er þó mjólkurvörulaus (og þar með ostlaus) og hentar því bæði sem detox- eða veganréttur.

Með þessu er gott að borða ferskt spínat, skera niður lárperu og létt steikja örlítið spergilkál og gulrætur og hella svo dressingu og mintu- og sítrónuolíu yfir salatið.