Þetta salat er í miklu uppáhaldi og ég geri það gjarnan úr afgangskalkún, til dæmis á jólum og páskum, en einmitt þá er gjarnan búið að borða yfir sig af feitum sósum og súkkulaði og gott að fá ferskt og fitulítið salat í kroppinn. Fljótlegt, ferskt og gott!

Kalkúnasalat með peru-, hnetu- og rifsberjadressingu

2016-03-28 16:16:09

Serves 2

Ferskt og gott salat. Tilvalið að nýta afganga af kalkún í þessa snilld.

Skrifa umsögn

Vista uppskrift

Prenta

Innihaldsefni

1. 300 gr af elduðum kalkún
2. Spínatpoki
3. 1/2 granatepli
4. 1 pera
5. 1 dl ristaðar pekan- eða valhnetur
6. 2 dl ofnbakaðar sætar kartöflur
7. 2 dl ofnbakaðar gulrætur
8. 1 dl bláber ef vill
9. 1 msk rifsberjasulta - ég nota þessa frönsku án viðbætts sykurs
10. 3 msk olívuolía
11. 3 msk ferskt kóríander ef vill

Leiðbeiningar

1. Skolið spínatið og skerið kalkúnin í þunnar og fallegar sneiðar.
2. Setjið 2 lúkur af spínati á hvorn disk og leggið kalkúninn yfir.
3. Afhýðið peruna og skerið í teninga og dreifið yfir.
4. Skafið innan úr granateplinu og skiptið á diskana tvo.
5. Því næst fer ofnbakaða grænmetið á diskana.
6. Hrærið olíunni og sultunni vel saman með gafli. Hellið dressingunni yfir salatið.
7. Toppið með kóríander, bláberjum og söxuðum hnetum.

Athugasemdir

1. Ég nota yfirleitt eldaða grænmetið sem var með kalkúninum í salatið, t.d. sætar kartöflur, gulrætur og/eða spergilkál.

Höfundur: Tobba Marinósdóttir

EatRVK https://eatrvk.is/