Brownie með kókos-karamellutoppi
Þessa uppskrift fékk ég fyrst senda frá vinkonu í útlöndum. Auðvitað þurfti ég aðeins að breyta henni og ég lofa að þeir sem smakka hana munu vilja uppskriftina. Ég geri hana í skúffukökuform og sker hana í litla bita fyrir matarboð, en drengirnir mínir vilja stórar sneiðar.
Uppskriftin
Brownie súkkulaðikaka með kókoskaramellutoppi, syndsamlega góð
Dásamlega djúsí og bragðgóð kaka. Það gerast einhverjir töfrar þegar súkkulaði, ristað kókos og karamella hittast. Gott að gera hana kvöldið áður en matarboðið er - ef þið getið beðið svo lengi.
Hráefni
Merktu við það sem er komið.
Innihaldsefni
Kaka
Kókos-karamellu toppur
Aðferð
Samsetning
Kaka
- Hitið ofninn í 180 gráður.
- Smyrjið og stráið hveiti í formið svo kakan festist ekki við það.
- Blandið saman í stóra skál olíunni, brædda smjörinu, sykrinum og vanillunni og blandið vel saman með písk.
- Blandið eggjum saman við og hrærið vel saman.
- Sigtið þurrefnin í litla skál og blandið svo saman við blautu blönduna. Hrærið súkkulaðidropunum varlega saman við.
- Hellið blöndunni í formið og bakið í 25-30 mínútur.
- Látið kökuna standa á meðan toppurinn er búinn til.
Kókos-karamellu toppur
- Ristið kókosinn í djúpri pönnu við vægan hita þar til hann er fallega gylltur (passið að hræra stöðugt í) og setjið svo til hliðar í skál.
- Bræðið karamellurnar í mjólkinni við vægan hita þar til blandan er kekkjalaus.
- Hellið karamellunni saman við kókosinn og blandið vel saman, en passið ykkur að vera frekar snögg hér þar sem hún harðnar fljótt.
- Setjið toppinn á kökuna. Gott er að geyma hana í kæli áður en hún er skorinn í þá bita sem þið viljið.
EatRVK · https://eatrvk.is/2016/06/brownie-sukkuladikaka-med-kokos-karamellutoppi/
Við eldhúsborðið
Athugasemdir
Vertu fyrst til að skilja eftir athugasemd.
Skildu eftir athugasemd
Netfangið þitt verður ekki birt. Athugasemdir bíða samþykkis.