Hin eina sanna salsasósa

Ég elska mexíkóskan mat og er eiginlega á því að allt með salsasósu sé gott. Þessi uppskrift er frá Lucas Keller en þessa sósu geri ég reglulega og á oftast inni í ísskáp. Dásamlegt með kjúklingasalati, eggjaköku, taco eða quesadillas, nú eða sem sósa á pizzur sem ég geri mjög oft en þá nota ég tortillakökur sem botn.

Hin eina sanna salsasósa

4 stórir tómatar

1 hvítlauksgeiri

1/2 rauðlaukur

1 ferskt rautt (fræhreinsað chili aldin)

1/2 ferskt jalapeno - ef þú vilt hafa sósuna sterka (eða 4 sneiðar úr krukku)

safi úr 1 límónu

25 gr kóríander (ein lúka)

salt og pipar

Skerið allt hráefnið í bita og fjarlægið fræ, skelina af laukunum og stilka.

Setjið hráefnið í matvinnsluvél og saxið eftir smekk.

Saltið og piprið eftir smekk.

Salsasósa er algjörlega fitusnauð og inniheldur mjög fáar hitaeiningar.

[caption id="attachment_870" align="aligncenter" width="1890"]

Mynd: Íris Ann[/caption]