Snjóboltasmákökur sem bráðna í munninum
Þessar snjóboltasmákökur eru vinsælar um allan heim og margar uppskriftir eru til en hér er sú sem mér þykir best. Ég bæti alltaf við súkkulaði í mína uppskrift því eins og við vitum er flest betra með smá súkkulaði. Þessar kökur eru mjög léttar og hreinlega bráðna í munninum eins og snjór. Það er snilld að eiga þessar í frystinum og bjóða sem eftirrétt með góðu kaffi eða glasi af kampavíni.
Uppskriftin
Snjóboltasmákökur sem bráðna í munninum
Dásamlegir og bragðgóðir snjóboltar.
Hráefni
Merktu við það sem er komið.
Aðferð
- Hitið ofninn í 180 gráður.
- Setjið smjörið, kókos-, möndlu- eða vanilludropana og flórsykur í hrærivélarskál og látið blandast vel saman, eða þar til blandan er létt og ljós.
- Bætið hveitinu og saltinu saman við og hrærið vel saman.
- Bætið súkkulaðidropum í deigið og blandið saman með sleif.
- Mótið eina msk af deigi í kúlu og setjið á smjörpappír.
- Bakið í 10-15 mínútur eða þar til botninn er orðinn örlítið gylltur.
- Látið kökurnar kólna og veltið svo upp úr flórsykri, ég velti þeim alltaf aftur rétt áður en þær eru bornar fram.
EatRVK · https://eatrvk.is/2016/10/snjobolta-smakokur-sem-bradna-i-munninum/
Við eldhúsborðið
Athugasemdir
Vertu fyrst til að skilja eftir athugasemd.
Skildu eftir athugasemd
Netfangið þitt verður ekki birt. Athugasemdir bíða samþykkis.