Þetta bananabrauð er sætt, mjúkt og saðsamt. Ekki skemmir fyrir hversu fljótlegt það er. Ég baka það gjarnan þegar ég á brúna og slappa banana sem ég vil nýta en ég hef verið að reyna að stuðla að minni matarsóun á heimilinu með því að versla úr Minni Sóun körfunni í Nettó, auk þess að nýta allt til hins ítrasta sem til er í eldhúsinu heima. Ég keypti nú síðast 2 kg af banönum á 287 krónur. Þeir voru brúnir og ljótir að sjá en dísætir og dásamlegir á bragðið. Þessa ljótu en ljúfu banana notaði ég í tvö stykki af brauði og restina frysti ég til að nota í Nicecream. Vel þroskaðir frystir bananar eru mikið lostæti í hina ýmsu drykki en þá má einnig affrysta í brauðið góða.

Besta bananabrauðið

2016-03-28 23:47:18

Einfalt, hollt og gott!

Skrifa umsögn

Vista uppskrift

Prenta

Innihaldsefni

1. 1,5 bolli fínmalað spelt eða heilhveiti
2. 1/2 bolli haframjöl
3. 2 tsk kanill
4. 1/2 tsk salt
5. 1 tsk matasódi
6. 2 tsk lyftiduft
7. 2 msk kókosolía
8. 3 vel þroskaðir bananar
9. 10 mjúkar döðlur vel saxaðar (látið liggja í bleyti ef þarf)
10. 1 stórt brúnegg

Leiðbeiningar

1. Blandið öllum þurrefnunum saman í skál.
2. Stappið bananana vel og hrærið út í með gaffli ásamt egginu, olíunni og döðlunum.
3. Hrærið vel saman með gafflinum til að brauðið fái létta áferð.
4. Smyrjið jólakökuform vel að innan með kókosolíu.
5. Bakið í miðjum ofninum í 30 mínútur á 180°C.

Höfundur: Tobba Marinósdóttir

EatRVK https://eatrvk.is/