Þetta fallega og bragðgóða hrísgrjónasalat passar með nánast öllu og er líka gott eitt og sér. Það er matarmikið og bragðlaukarnir eru hoppandi kátir eftir hvern bita. Það er svo gott að núna vill fjölskyldan nánast bara þetta salat með öllum mat eða eitt og sér sem nesti í vinnunna.

Litríkt og ljúffengt hrísgrjónasalat

2016-07-28 13:32:44

Matarmikið og fallegt salat. Stútfullt af hollri næringu og flóknum kolvetnum.

Skrifa umsögn

Vista uppskrift

Prenta

Salat

1. 1 bolli villihrísgrjón (ég keypti frá Rapunzel)
2. 2 bollar klettakál
3. 1 granateplakjarnar
4. 100 gr ristaðar furuhnetur
5. 100-150 gr hreinn fetaostur

Dressing

1. 1/2 bolli saxaður skarlottlaukur
2. 1/2 bolli góð ólífuolía
3. 1 msk hunangssinnep
4. 1-2 msk safi úr sítrónu
5. 1 tsk salt
6. 1 tsk pipar
7. 1/2 tsk rifinn sítrónubörkur

Leiðbeiningar

1. Sjóðið hrísgrjónin samkvæmt leiðbeiningum á poka.
2. Blandið öllu saman í dressinguna og pískið vel saman og setjið til hliðar.
3. Fræhreinsið granateplið.
4. Ristið furuhneturnar og setjið til hliðar.
5. Þegar hrísgrjónin eru tilbúin leyfið þeim að kólna, hellið dressingunni yfir og blandið vel saman.
6. Bætið svo klettakáli og furuhnetum saman við og myljið fetaostinn yfir.
7. Skreytið svo með granateplakjörnunum.

Athugasemdir

1. Þegar ég losa fræin úr granateplinu hefur mér reynst best að þrýsta vel á eplið á borðinu og rúlla því fram og til baka, þá finnur maður fræin losna. Ég sker granateplið í helminga og nota svo sleif til að lemja á eplið svo fræin detta beint úr því í skálina.

Höfundur: Linda Björk

EatRVK https://eatrvk.is/