Þar sem ég hef ekki alltaf eins mikinn tíma í eldhúsinu og ég myndi vilja þá finnst mér geggjað að hafa nokkrar uppskriftir sem taka lítinn tíma en allir elska. Þessa sósu geri ég oft fyrir matarboð og kaupi þau ber sem eru á góðu verði og helli sósunni yfir þau. Einnig er hægt að nota þessa sósu á amerískar pönnukökur og sérstaklega er hún góð á kókospönnukökurnar sem eru hér á síðunni en einnig er dásamlegt að hella henni yfir ís. Það tekur aðeins nokkrar mínútur að gera þessa og alltaf er hún fullkomin.