Þetta er ein af mínum uppáhalds sultum. Ef ég á ekki nóg af þessari sultu yfir veturinn verð ég frekar leið. Það gerast einhverjir töfrar þegar hún fer á vöfflurnar með rjóma. Hún er dásamleg á allt sem þarf sultu, til dæmis pönnukökur, osta og hjónabandssæluna. Ef ég fæ rabarbara langar mig alltaf að gera aðra sultu en þessa klassísku þar sem sú sem hægt er að versla í búðinni er bara nokkuð góð.

Rabarbara-, epla- og vanillusulta

2016-06-21 20:24:22

Dásamlega góð sulta sem er eins og gott konfekt, þú vilt alltaf meira!!!

Skrifa umsögn

Vista uppskrift

Prenta

Innihaldsefni

1. 1 kg smátt saxaður rabarbari
2. 4 græn epli, skræld, fræhreinsuð og söxuð
3. 2 vanillu stangir, skornar þvert og fræin skafin úr
4. 3 msk ferskur sítrónusafi
5. 600 gr púðursykur
6. 200 gr sykur

Leiðbeiningar

1. Setjið öll hráefnin nema sykur og sítrónusafa í pott og sjóðið saman við meðalhita þar til rabarbarinn er orðinn mjúkur, um 5-10 mínútur.
2. Bætið sykrinum og sítrónusafanum saman við og látið sjóða saman við vægan hita í um 40 mínútur.
3. Veiðið froðuna sem myndast ofan á reglulega og hrærið reglulega í sultunni.
4. Setjið í sótthreinsaðar og heitar krukkur.

Höfundur: Linda Björk

EatRVK https://eatrvk.is/