Maður getur ekki annað en farið í grillstuð þegar gula vinkonan fer að láta sjá sig. Mér þykir grillaður maís alveg sérstaklega góður og einu sinni fékk ég besta maís í heimi á litlum veitingastað í New York – og það var sósan sem á honum var sem var sérstaklega góð. Í sósunni er ostur sem heitir cotija. Hann er ekki til hér á landi en samkvæmt Internetinu má nota parmesan í staðinn svo ég prufaði að gera þessa sósu og hún heppnaðist svo vel að flestir sem fá að smakka fara heim með uppskriftina. Þessi uppskrift er sérstaklega einföld og bragðgóð.

Mynd/Mbl